TULADHA PASRAH PANINGSET

 #TULADHA PASRAH PANINGSET#

(nyuwun panyaruwe saha pamprayogi)

Assalamualaikum wr wb

Kula nuwun..

Minangka puwakaning atur hanyenyadong berkahing Gusti ingkang maha Agung mugi hamemayungana wonten ing madyaning pepanggihan dalu punika.

Bapa Purwoto ingkang winantu ing pakurmatan, bilih sowan kula wanci dalu punika, kula rinesaya dening Bapa Hartono sekaliyan, ingkang sakperlu kula kadawuhan matur ing ngarsanipun Bapa Purwoto sekaliyan, ing dalu punika panjenengan ingkang kasuwun hanyalirani.

Hatur kula ingkang kapisan, kula kadawuhan ngaturaken salam wilujengipun Bapa Hartono sekaliyan, ingkang linambaran donga pamuji, mugi kahaturna dhumateng Bapa dhumateng Bapa Purwoto sekaliyan, minggahipun dhumateng para keluwarganipun.

Wondene jangkeping atur ingkang kaping kalih, kula kadawuhan hamasrahaken, paningset, abon abon sarta pangiring, hanggenipun haningseti rembag badhe hanjodhoaken putra turunipun, ingkang hanama pun bagus Ferdiyanto, kaliyan putra ingkang mijil putri saking Bapa Purwoto sekaliyan ingkang hasesilih pun rara ayu Minatun auwaliyah.

Sinaosa paningset, abon abon sarta pengiring menika hanamung sapala mugi wontena keparengipun, suka hanampi kanthi renaning penggalih.

Ugi kula kadawuhan ngaturaken redana, ingkang arupi arta, minangka syarat sarana hanggenipun ngawiwaha putra.

Mekaten Bapa Purwoto hanggen kula matur wonten ngarsa panjenengan, bilih atur kula kathah sanget ingkang dawah lepat, kula nyuwun agunging pangksama.

Minangka pungkasing atur kula pungkasi kanthi billahi taufik walhidayah wasalamualaikum wr wb

Suka

Komentari

Bagikan

CONTOH ATUR LAMARAN

 

Narno Narno

13 mnt  · 

#TULADHA ATUR PANEMBUNG UTAWI PANGLAMAR#

(nyuwun panyaruwe lan pamprayogi)

Assalamualaikum wr wb.

Kula nuwun..

Katentreman kawilujengan hawit Sih-ipun Gusti ingkang maha Agung mugi tansah kapatedhakaken dumateng panjenengan sedaya lan kula.

Bapa Jumali ingkang winengku ing suka lan basuki.

Sowan kula ing dalu punika, minangka sulih sariranipun Bapa Prapta kamsu, ingkang saperlu kadhawuhan matur wonten ngarsanipun Bapa Jumali sekaliyan.

Atur kula ingkang sepisan kadhawuhan ngaturaken salam kawilujenganipun Bapa Prapto kamsu sakkeluwarga mugi katur dhumateng Bapa Jumali sekaliyan minggahipun dhumateng para keluwarga ing ngriki.

Ingkang kaping kalih bilih ing wekdal punika Bapa Prapto kamsu tinangisan dening putranipun kakung ingkang hanama pun bagus Marsono ingkang tansah ngebun-bun enjang ajejawah sonten hanggenipun kesengsem kaliyan endahipun wanita.

Dene wanita kalawau mboten sanes putra pawestrinipun Bapa Jumali ingkang hasesilih pun rara ayu Fitria ayunti.

Pramila kanthi menika hambok bilih dipunkeparengaken, saha putra pawestrinipun Bapa Jumali ingkang hasesilih pun rara ayu Fitria ayunti kalawau dereng anggadahi pepacangan priya sanes, Bapa Prapto kamsu sekaliyan kepingin badhe hanjatu-kramaaken kaliyan putra kakungipun ingkang hanama pun bagus Marsono kalawau sagedta dados jodho salaminipun.

Dene ingkang pungkasan menawi sampun dipunkeparengaken, wekdal punika ugi kangge haningseti rembag badhe dipunsingseti mawi kalpika, supados anggenipun pepacangan saged sansaya rumaked.

Mekaten Bapa Jumali atur kula dhumateng panjenengan, kathah kekirangan saha kalepatan ingkang kula sandhang, kula nyuwun agunging samudra pangaksami, nuwun..

Atur kula, kula pungkasi billahi taufik walhidayah wasalamualaikum wr wb.

Lirik Lagu Pingkal

 Pingal

Ngatmombilung

Piye (piye),
Seng jelaske karo wongtuwo
Wes ngelakoni tekan semene
Nek akhire bakal bubar pisahan
Kowe kegudo tresno karo wong liyo

Ngelali (ngelali),
Kowe sing tau omong dewe
Nglakoni tresno tekan tuwo
Ora ngeliyo mung aku ning atimu (ning atimu)
Nanging saiki atimu ono wong liyo

Ibarat esuk mendung
Awan aku kudanan
Sore mbok larani
Bengi tak tangisi

Mung iso bayangke kabeh kenangan
Kowe tak boncengke
Turut dalan kekepan kudanan
Saiki nyatane kowe malah milih
Dikekep wong liyo (wong liyo)

Opo kowe ra kroso abote atiku
Kudu kelangan wong sing paling tak tresnani
Ra jenak dolan, ra doyan mangan
Nek ra mbok dulang

Ibarat esuk mendung
Awan aku kudanan
Sore mbok larani
Bengi tak tangisi

Mung iso bayangke kabeh kenangan
Kowe tak boncengke
Turut dalan kekepan kudanan
Saiki nyatane kowe malah milih
Dikekep wong liyo

Opo kowe ra kroso abote atiku
Kudu kelangan wong sing paling tak tresnani
Ra jenak dolan, ra doyan mangan
Nek ra mbok dulang

Ra jenak dolan
Ra doyan mangan
Nek ra mbok dulang

Lirik Lagu Sotya

 Sotya

Sindy Purbawati

Iki tulising kidungku
Kanggo siro hapsarining kalbu
Eseme kang manis madu
Dasar bagus parasmu kang tanpo layu

Kangmas sasotyaning ati
Yomung ndiko kang sawiji
Langit bumi kang hanyekseni
Nalikane ngucap janji ono lathi

Yomung siji sesotyaku memanikku mung kangmas wong bagus
Panyuwunku mugo kangmas ora lali marang janji setyamu
Nanging kabeh kui muspro eling kalamun pupusing tresno
Wes tak cobo nglalekke sliramu
Nanging tak lali lali tan biso lali

Iki tulising kidungku
Kanggo siro hapsarining kalbu
Eseme kang manis madu
Dasar bagus parasmu kang tanpo layu

Kangmas sasotyaning ati
Yomung ndiko kang sawiji
Langit bumi kang hanyekseni
Nalikane ngucap janji ono lathi

Yomung siji sesotyaku memanikku mung kangmas wong bagus
Panyuwunku mugo kangmas ora lali marang janji setyamu
Nanging kabeh kui muspro eling kalamun pupusing tresno
Wes tak cobo nglalekke sliramu
Nanging tak lali lali tan biso lali

CONTOH TEKS PASRAH PENGANTIN KAKUNG BAHASA JAWA

 CONTOH TEKS PASRAH PENGANTIN KAKUNG BAHASA JAWA

Assalamualaikum warahmatullahi wabarakatuhu,..

Kasugengan, katentreman miwah kebagas warasan mugi tansah kajiwa kasalira dumatheng panjenengan sedaya dalasan kula sumrambah kulawarga waradin sagung dumadi widada niskala lulus raharja.

Para sepuh pinisepuh ajisepuh ingkang pana ing panawas miwah lebda ing pitutur ingkang pantes pinundi. Para pangemban pangembating praja satria ing nagari minangka dados pandam pandoming para kawula dasih ingkang tuhu pantes sinudarsana para kadang wreda, mudha miwah taruna ingkang cinaket ing manah ( kinasih ) mugi tinebihna ing sekathahing sikudhenda miwah deduka, awit kula kumawani tranyak tranyak minyak sagung para sumewa kanthi nilar subsitha miwah tata krama sedaya kala wau inggih kabekta anggen kula nuhoni pamundhutipun bapa Ahmad supados matur wonten ngarsanipun bapa Karsa minangka sulih sariranipun. 

namung sedaya kala wau inggih awit saking raos bombong salebeting manah prasasat kajugrugan wukir sari karoben segantan madu satemah boten kuwawi matur piyambak wonten ngarsa panjenengan sedaya ingkang punika kula sinaraya matur minangka talanging basa minangka purwaning atur wonten keparengipun kula ndherek ngaturaken raos puji syukur wonten ngarsa dalem Gusti Ingkang Maha Linangkung kerana awet saking berkah rahmad saha keparengipun, kula sakadang keluarga besan saking bapa Ahmad saget sowan dhateng  pidalemipun bapa Karsa kanthi wilujeng tanpa manggih rubeda setunggal punapa.

menggah wigatosing sowan kula ingkang sepisan kepingin pinanggih dhateng kasugengan bapa Karsa sekalian sumrambah dhumateng kadang klawarga, kaping kalihipun bapa Ahmad lumantar kula ngaturaken salam taklim konjuk ngarsanipun bapa Karsa miwah ngaturaken sungkem pangabekti konjuk dhumateng sanggya para tamu ingkang ing ari kalenggahan punika samya marak mahargya wonteng ing madyaning pahargyan punika, dene kaping tiganipun kepareng kula ngaturaken putra pinganten kakung sajuga hanenggih nakmas bagus Priyambada konjuk ngarsanipun bapa Karsa sekalian, ingkang punika linambaran sih budi rahayu, sumangga putra penganten kakung pun bagus Priyambada kula aturaken wonten ngarsa panjenengan.

Mugi kersa nampi kathi lumahing asta kekalih saha hamanggihaken/ handaupaken dhumateng putra pinanganten putri pun nyimas ayu Sekar Wangi lan mugi handadosaken suka renaning penggalih.

namung mawantu wantu panyuwunipun bapa Ahmad gandheng lare punika senadyan blegeripun ketingal sampun desawa ananging dereng sepintena menggah pangertosanipun, langung langkung babagan bale griya babar pisan dereng mangertosi, pramila masa borong anggen panjenengan paring wewarah paring panggulawentah, tuwin paring pawardi siwi ingkang tumuju dhumateng raharjaning bale wisma. 

dene kula sak kulawarga brayat besan saking bapa Ahmad sagedipun namung ndherek mangayubagya miwah amemuji, mugi putra panjenengan kekalih samangke anggenipun badhe lelumban wonten ing madyaning bebrayan agung tansah pinaringan rahayu wilujeng kalis ing rubeda nir ing sambikala wiwit purwa madya dumugi wasesa kejawi saking punika kula sekulawarga ugi tansah nyuwun agunging samudra pangaksama wonten ngarsanipun bapa Karsa awit sowan kula hanganthi keluarga ingkang kathah bebasan kumrembyah kakean cacah ngreda kakean jiwa tartamtu handadosaken bot repoting sesanggen panjenengan, saha kathahing warga kula ingkang kurang subasita lan singklar saking rehning kautaman, minangka pungkasaning atur hambok bilih mangke sampun paripurna pahargyan punika kepareng kula sekulawarga nyuwun pamit medal pasilan mboten namung kula nyuwun puji lan pandunga saking panjenengan sedaya mugi lampah kula wiwit bidhal saking pahargyan dumugi griyanipun piyambak piyambak tansah manggih kawilujengan kalis ing sambikala, sanggyaning para tamu kakung miwah putri ingkang tansah winantu ing suka rahayu.

sakinten namung semanten anggen saged matur minangka sulih sarira saking bapa Ahmad sekulawarga, gandeng kula ngrumaosi namung manungsa lumrah ingkang boten lepat saking kekhilafan lan kekirangan, pramila sampun dados samestinipun bilih atur kula wonten ing ngajeng kathah lepatan saha kiranging trapsila subasita.

mugi panjenengan sedaya sampun ngantos kirang ing pamengku kersa hangluberaken agunging pangaksama, minangka pepet pepuntoning atur kula tansah asesanti “JAYA WIJAYANTI, TETEP JAYA SENADYAN NGADEPI SAGUNG RUBEDA”.

Wassalamualaikum warahmatullahi wabarakatuhu,...